歹路毋通行
《歹路毋通行》Pháinn-lōo M̄-thang Kiânn
蘇明淵Soo Bîng-ian
——————————————
我迷失佇這个花花世界
guá bê-sit tī tsit ê hua-hua sè-kài
無人疼無人愛
bô-lâng thiànn bô-lâng ài
相信來去參加幫派
siong-sìn lâi-khì tsham-ka pang-phài
行路就會囂俳
kiânn-lōo tō ē hiau-pai
路邊的電火柱仔下跤
lōo-pinn ê tiān-hué-thiāu-á ē-kha
有人咧等我
ū-lâng teh tán guá
欲我去拜關公
beh guá khì pài Kuan-kong
刣雞咒誓
thâi-ke tsiù-tsuā
咱就是兄弟
lán tō-sī hiann-tī
命交予天安排
miā kau hōo thinn an-pâi
喔~我叫做阿弟仔
ooh ~guá kiò-tsuè a-tī-á
恁會聽著我的名聲
lín ē thiann-tio̍h guá ê miâ-siann
我行踏佇這个烏暗世界
guá kiânn-ta̍h tī tsit ê oo-àm sè-kài
歹代誌項項來
pháinn tāi-tsì hāng-hāng lâi
有恩報恩
ū un pò-un
有仇嘛愛報仇
ū siû mā ài pò-siû
心事無人知
sim-sū bô-lâng tsai
阮兜的巷仔口外面
gún tau ê hāng-á-kháu guā-bīn
有人咧等我
ū-lâng teh tán guá
欲招我去拚輸贏
beh tsio guá khì piànn-su-iânn
起跤動手硬拄硬了後
khí-kha-tāng-tshiú ngē-tú-ngē liáu-āu
我揹兩條人命
guá phāinn nn̄g-tiâu lâng-miā
喔~是非自有論
ooh~ sī-hui tsū iú lūn
善惡隨心分
siān-ok suî sim hun
莫走
mài tsáu
我覕佇這个小小世界
guá bih tī tsit ê sió-sió sè-kài
食白飯配鹹菜
tsia̍h pe̍h-pn̄g phuè kiâm-tshài
人生若是會當重來
jîn-sing nā-sī ē-tàng tîng-lâi
我無欲閣行一擺
guá bô beh koh kiânn tsi̍t-pái
房間的電火球仔下跤
pâng-king ê tiān-hué-kiû-á ē-kha
有人咧等我
ū-lâng teh tán guá
怹哪會攏無跤
in ná ē lóng bô kha
夢醒以後
bāng-tshínn í-āu
我才知影
guá tsiah tsai-iánn
歹路毋通行
pháinn-lōo m̄-thang kiânn
喔~人牽毋行
ooh~ lâng khan m̄-kiânn
鬼牽咧遛遛行
kuí khan leh liù-liù kiânn
房間的電火球仔下跤
pâng-king ê tiān-hué-kiû-á ē-kha
有人咧等我
ū-lâng teh tán guá
怹哪會攏無跤
in ná ē lóng bô kha
夢醒以後
bāng-tshínn í-āu
我才知影
guá tsiah tsai-iánn
歹路毋通行
pháinn-lōo m̄-thang kiânn
夢醒以後
bāng-tshínn í-āu
我才知影
guá tsiah tsai-iánn
歹路毋通行
pháinn-lōo m̄-thang kiânn
莫走
mài tsáu
