月光掖佇東門城
《月光掖佇東門城》Gue̍h-kng Iā tī Tang-mn̂n-siânn
嚴詠能Giâm Īng-lîng
———————————-
月光光 中元暝
gue̍h kng-kng，tiong-guân mî
紅花阿媽穿媠媠
âng-hue a-má tshīng-suí-suí
牽著金孫笑微微
khan-tio̍h kim-sun tshiò-bi-bi
人?人啊來看戲
lâng kheh lâng–ah lâi khuànn hì
少年家揹著夢
siàu-liân-ke phāinn-tio̍h bāng
跤步初踏袂輕鬆
kha-pōo tshoo ta̍h buē khin-sang
一陣戇人鬥相共
tsi̍t-tīn gōng-lâng tàu-sann-kāng
將希望捒懸懸
tsiong hi-bāng sak-kuân-kuân
東門城邊真趣味
tang mn̂g siânn pian tsin tshù-bī
人像狗蟻激做堆
lâng tshiūnn káu-hiā kik tsò-tui
少年的滒甲黏黐黐
siàu-liân ê kō-kah liâm-thi-thi
欲學露螺[足百]上天
beh o̍h lōo-lê peh tsiūnn-thinn
月光掖佇東門城
gue̍h-kng iā tī tang-mn̂g-siânn
勇氣綴天星迵到遐
ióng-khì tuè thinn-tshinn thàng kàu hia
歲月的堅持
suè-gua̍t ê kian-tshî
有氣力的歌詩
ū khuì-la̍t ê kua-si
起起落落
khí-khí lo̍h-lo̍h
將孤單徙振動
tsiong koo-tuann suá tín-tāng
月光掖佇東門城
gue̍h-kng iā tī tang-mn̂g-siânn
山風吹來雲做伴
suann-hong tshue lâi hûn tsuè-phuānn
褪赤跤的囡仔
thǹg-tsiah-kha ê gín-á
下昏暗的英雄
ing-àm ê ing-hiông
我徛佇遮
guá khiā tī tsia
為你拍噗仔
uī lí phah-pho̍k-á
