斷情淚
《斷情淚》Tn̄g-tsîng Kuī
蘇宥蓉Soo Iū-iông(蘇路Soo Lōo)
——————————————
心嘆往事一段
sim thàn óng-sū tsi̍t-tuānn
像雲煙
tshiūnn hûn-ian
散佇心肝
suànn tī sim-kuann
陣啊陣酸冷
tsūn–ah tsūn sng-líng
不該想是當初
put-kai siūnn sī tong-tshoo
不該望回頭路
put-kai bāng huê-thâu-lōo
有偌濟思慕
ū guā-tsuē su-bōo
攏是苦
lóng-sī khóo
一頁情字
tsi̍t-ia̍h tsîng-jī
刻佇心內面
khik tī sim-lāi-bīn
放啊放袂開
pàng–ah pàng buē-khui
彼段甜蜜
hit tuānn tinn-bi̍t
如今已漸漸退色
jû-kim í tsiām-tsiām thè-sik
瞞袂過時間證明
muâ buē-kuè sî-kan tsìng-bîng
雖然傷難耐
sui-jiân siong lân-nāi
想你閣一暝
siūnn lí koh tsi̍t-mî
若怪阮痴情過頭
nā kuài gún tshi-tsîng kuè-thâu
墜落了深坑
tuī-lo̍h liáu tshim-khinn
每一擺傷心
muí tsi̍t-pái siong-sim
阮永遠傷袂起
gún íng-uán siong buē-khí
毋敢問天為啥物
m̄-kánn mn̄g thinn uī-siánn-mih
留予阮傷悲
lâu hōo gún siong-pi
奈何一粒心
nāi-hô tsi̍t-lia̍p sim
猶原掰袂離一段情
iu-guân pué buē-lī tsi̍t-tuānn tsîng
若怪阮痴情過頭
nā kuài gún tshi-tsîng kuè-thâu
情斷夢未醒
tsîng tn̄g bāng buē tshínn
一切心甘情願
it-tshè sim kam tsîng guān
忍著傷心淚
jím tio̍h siong-sim luī
想欲問你為啥物
siūnn-beh mn̄g lí uī-siánn-mih
對阮遮絕情
tuì gún tsiah tsua̍t-tsîng
帶走阮的心
tuà tsáu gún ê sim
無聲無息來離開
bô-siann-bô-sit lâi lī-khui
