戇人歌
《戇人歌》Gōng-lâng Kua
蘇路Soo Lōo (蘇宥蓉Soo Iū-iông)
——————————————
聽著天頂陣雷聲
thiann-tio̍h thinn-tíng tsūn-luî siann
一陣雨澹一領衫
tsi̍t-tsūn hōo tâm tsi̍t-niá sann
深深愛慕情難捨
tshim-tshim ài-bōo tsîng lân siá
得袂著又怪運命
tit buē tio̍h iū kuài ūn-miā
風吹葉落塗跤
hong tshue hio̍h lo̍h thôo-kha
聽做是你的跤步聲
thiann tsuè sī lí ê kha-pōo siann
含笑啊探頭看
hâm-tshiò–ah thàm-thâu khuànn
我咧等啥
guá teh tán siánn
戇人歌
gōng-lâng kua
我常常聽
guá siông-siông thiann
心酸酸閣微微仔疼
sim-sng-sng koh bî-bî-á thiànn
三味線弦著輕輕彈
sann-bī-siàn tio̍h khin-khin tuânn
寂寞伴孤單
tsi̍k-bo̍k phuānn koo-tuann
開門關門幾若逝
khui-mn̂g kuainn-mn̂g kuí-lō tsuā
你的氣味漸漸散
lí ê khì-bī tsiām-tsiām suànn
囥佇門邊的淺拖
khǹg tī mn̂g-pinn ê tshián-thua
無成雙
bô sîng-siang
欠一跤
khiàm tsi̍t-kha
