黃昏的海岸
《黃昏的海岸》Hông-hun ê Hái-huānn
蘇宥蓉Soo Iū-iông(蘇路Soo Lōo)
——————————————
日頭欲落山
ji̍t-thâu beh lo̍h-suann
散步踮海岸
sàn-pōo tiàm hái-huānn
情人約會
tsîng-jîn iok-huē
雙雙來到遮
siang-siang lâi-kàu tsia
舊年阮的身邊
kū-nî gún ê sin-pinn
猶有你做伴
iáu-ū lí tsuè-phuānn
無奈啊
bô-nāi–ah
如今真孤單
jû-kim tsin koo-tuann
海邊的風
hái-pinn ê hong
猶冷袂過阮心肝
iáu líng buē kuè gún sim-kuann
海水沖袂走阮的心疼
hái-tsuí tshiong buē tsáu gún ê sim-thiànn
啊~黃昏的海岸
ah~ hông-hun ê hái-huānn
複雜心情
ho̍k-tsa̍p sim-tsiânn
別人是甜甜蜜蜜
pa̍t-lâng sī tinn-tinn-bi̍t-bi̍t
阮就心疼
gún tiō sim thiànn
孤單徛踮咧遮
koo-tuann khiā tiàm-teh tsia
毋知欲按怎
m̄-tsai beh án-tsuánn
海鳥也咧笑阮無伴
hái-tsiáu iā ti̍h tshiò gún bô-phuānn
啊~黃昏的海岸
ah~ hông-hun ê hái-huānn
複雜心情
ho̍k-tsa̍p sim-tsiânn
往事又一幕一幕
óng-sū iū tsi̍t-bōo-tsi̍t-bōo
刺激著我
tshì-kik tio̍h guá
日頭已經落山
ji̍t-thâu í-king lo̍h-suann
路燈照孤影
lōo-ting tsiò koo-iánn
傷心有誰會知影
siong-sim ū siáng ē tsai-iánn
