風中的思念
《風中的思念》Hong-tiong ê Su-liām
蘇路Soo Lōo (蘇又鎔Soo Iū-iông)
——————————————
已經過了幾若冬
í-king kuè-liáu kuí-lō tang
毋捌袂記你的人
m̄-bat buē-kì lí ê lâng
毋是怨恨是遺憾
m̄-sī uàn-hūn sī uî-hām
無你的手將阮攬
bô lí ê tshiú tsiong gún lám
飛佇風中的思念
pue tī hong-tiong ê su-liām
面前的心又擾亂
bīn-tsîng ê sim iū jiáu-luān
這暝過了又一冬
tsit mî kuè-liáu iū tsi̍t-tang
阮無你想的遮勇敢
gún bô lí siūnn ê tsiah ióng-kám
寄佇風中的思念
kià tī hong-tiong ê su-liām
你敢了解是啥款
lí kám liáu-kái sī siánn-khuán
日來相思念希望
ji̍t lâi siunn-si liām hi-bāng
想你的笑容你的人
siūnn lí ê tshiò-iông lí ê lâng
迷失風中的思念
bê-sit hong-tiong ê su-liām
感情無通度難關
kám-tsîng bô-thang tōo lân-kuan
又閣艱苦又怨他
iū-koh kan-khóo iū uàn thann
將目屎拭著繼續等
tsiong ba̍k-sái tshit tio̍h kè-sio̍k tán
