逐家免著驚
逐家免著驚(羅大佑&林強唱)
詞：李坤城、羅大佑 曲：羅大佑
忠孝東路西對介壽大路遐 介壽大路公佇中正大廟埕
介壽大路口號按怎無開聲 中正大廟埕內逐家免著驚
有一个古早門城佇鐵枝路邊徛 當年隔壁阿本仔侵入就行佇遮
這馬交通鬧熱挾甲袂振動 恬恬毋敢喘氣孤單咧眠夢
這馬這个古城親像當咧變 愛靠台灣同胞做主來表現
人人攏誠認真拍拚咧趁錢 但是城市敢有機會出頭天
忠孝東路西對介壽大路遐 介壽大路公佇中正大廟埕
介壽大路口號按怎無開聲 中正大廟埕內逐家免著驚
有一个現代廟埕佇台北市鎮路 和尚王爺共阮惜甲花糊糊
朋友相招運動做伙來散步 燒香希望保庇萬歲好前途
這馬這个靈堂親像當咧變 愛靠台灣同胞做主來表現
廟內廟外認真流汗沃土地 但是遊街敢著拚來廟埕坐
免著驚 驚就免 免著驚來 驚就會變
免著驚 驚就免 免著驚來 驚就會變
免著驚 驚就免 免著驚來 驚就會變
免著驚 驚就免 免著驚來 驚就會變
忠孝東路西對介壽大路遐 介壽大路公佇中正大廟埕
介壽大路口號按怎無開聲 中正大廟埕內逐家免著驚
這个國家廟埕愈來愈奢颺 休閒抗議藝術相招來占領
Oo-lián煙腸豆花踏入大廟埕 親像八仙過海來各展名聲
這馬這个世界親像當咧變 愛靠台灣同胞做主來表現
信女善男認真生存喝救命 但是廟埕敢會替咱來收驚
忠孝東路西對介壽大路遐 介壽大路公佇中正大廟埕
介壽大路口號按怎無開聲 中正大廟埕內逐家免著驚
