親愛的毋知過了好無
《親愛的毋知過了好無》Tshin-ài–ê M̄-tsai Kuè-liáu Hó–bô
蘇宥蓉Soo Iū-iông(蘇路Soo Lōo)
——————————————
經過偌久無來見面
king-kuè guā kú bô lâi kìnn-bīn
予人懷念的彼時
hōo-lâng huâi-liām ê hit-sî
思念著彼寡老朋友
su-liām tio̍h hit kuá lāu pîng-iú
嘛期待會當看著你
mā kî-thāi ē-tàng khuànn-tio̍h lí
為著今仔日的見面
uī-tio̍h kin-á-ji̍t ê kìnn-bīn
我是歡喜甲睏袂去
guá sī huann-hí kah khùn buē khì
緣份是無情來創治
iân-hūn sī bô-tsîng lâi tshòng-tī
予相愛的人拆散分開
hōo siong-ài ê lâng thiah-suànn hun-khui
親愛的
tshin-ài–ê
毋知過了好無
m̄-tsai kuè-liáu hó–bô
阮是應該對你祝福
gún sī ìng-kai tuì lí tsiok-hok
因為你予我的酸甜苦
in-uī lí hōo guá ê sng-tinn-khóo
豐富我人生的路途
hong-hù guá jîn-sing ê lōo-tôo
親愛的
tshin-ài–ê
毋知過了好無
m̄-tsai kuè-liáu hó–bô
希望你是真正快樂
hi-bāng lí sī tsin-tsiànn khuài-lo̍k
雖然我已經無你的照顧
sui-jiân guá í-king bô lí ê tsiàu-kòo
—
至少想起你
tsì-tsió siūnn-khí lí
就感覺著幸福
tiō kám-kak tio̍h hīng-hok
