窗外春風
《窗外春風》Thang-guē Tshun-hong
蘇宥蓉Soo Iū-iông(蘇路Soo Lōo)
——————————————
看人雙雙對對愛相隨
khuànn-lâng siang-siang tuì-tuì ài siong-suî
阮是枯葉離樹枝
gún sī koo-hio̍h lî tshiū-ki
無人看見
bô-lâng khuànn-kìnn
無人安慰
bô-lâng an-uì
親像春風等露水
tshin-tshiūnn tshun-hong tán lōo-tsuí
春風微微
tshun-hong bî-bî
吹過窗墘
tshue kuè thang-kînn
踮佇窗外訴情意
tiàm-tī thang-guā sòo tsîng-ì
愛的滋味
ài ê tsu-bī
點點滴滴
tiám-tiám-tih-tih
有酸有苦也有甜
ū sng ū khóo iā ū tinn
對你情綿綿
tuì lí tsîng mî-mî
對你愛難離
tuì lí ài lân lî
對你情絲千萬縷
tuì lí tsîng-si tshian-bān lí
愛也無味
ài iā bô-bī
恨也無意義
hūn iā bô ì-gī
愛你恨你心膏纏
ài lí hūn lí sim ko-tînn
只有將這段過路情
tsí-ū tsiong tsit tuānn kuè-lōo-tsîng
化做勇氣祝福你
huà-tsuè ióng-khì tsiok-hok lí
