痴情予你騙毋知
《痴情予你騙毋知》Tshi-tsîng Hōo Lí Phiàn M̄-tsai
蘇宥蓉Soo Iū-iông(蘇路Soo Lōo)
——————————————
滿腹的心酸無講
muá-pak ê sim-sng bô kóng
你攏袂了解
lí lóng buē liáu-kái
又自悲自嘆
iū tsū pi tsū thàn
淪落愛情的手內
lûn-lo̍h ài-tsîng ê tshiú-lāi
明知影燒酒
bîng tsai-iánn sio-tsiú
袂當解脫心中的傷害
buē-tàng kái-thuat sim-tiong ê siong-hāi
一杯酒
tsi̍t-pue tsiú
閣繼續斟落來
koh kè-sio̍k thîn–lo̍h-lâi
失戀的悲哀
sit-luân ê pi-ai
茫茫過日疼毋知
bâng-bâng kuè-ji̍t thiànn m̄-tsai
是愈想愈恨
sī jú siūnn jú hūn
愛著才知影厲害
ài–tio̍h tsiah tsai-iánn lī-hāi
為啥物痴情的人
uī-siánn-mih tshi-tsîng ê lâng
偏偏受傷流目屎
phian-phian siū-siong lâu ba̍k-sái
不應該是這款的對待
put ìng-kai sī tsit khuán ê tuì-thāi
啊~我的痴情
ah~ guá ê tshi-tsîng
予你騙毋知
hōo lí phiàn m̄-tsai
請你摸心肝
tshiánn lí bong sim-kuann
閣再想看覓
koh-tsài siūnn khuànn-māi
等你有一日
tán lí ū-tsi̍t-ji̍t
拄著真愛
tú-tio̍h tsin-ài
阮的心情
gún ê sim-tsîng
你就會了解
lí tiō ē liáu-kái
這繁華世界
tse huân-huâ sè-kài
茫茫的情海
bâng-bâng ê tsîng hái
為何愈愛愈悲哀
uī-hô jú ài jú pi-ai
