無月的暗暝
《無月的暗暝》Bô Gue̍h ê Àm-mî
蘇路Soo Lōo (蘇宥蓉Soo Iū-iông)
——————————————
一个無聊的暗暝
tsi̍t-ê bô-liâu ê àm-mî
只有孤單伴相隨
tsí-ū koo-tuann phuānn siong-suî
守著思念過日子
siú tio̍h su-liām kuè ji̍t-tsí
一切攏為著伊
it-tshè lóng uī-tio̍h i
為何袂當放袂記
uī-hô bē-tàng pàng-bē-kì
敢是緣份放無離
kám-sī iân-hūn pàng bô-lī
想欲回頭重新起
siūnn-beh huê-thâu tiông-sin khí
阮敢有勇氣
gún kám ū ióng-khì
無月的暗暝
bô gue̍h ê àm-mî
無心相思
bô-sim siunn-si
應該放手予伊去
ìng-kai pàng-tshiú hōo i khì
咱的相片攏寄予你
lán ê siòng-phìnn lóng kià hōo lí
一切是咱曾經的過去。
It-tshè sī lán tsîng-king ê kuè-khì.
猶原鬧熱的城市
iu-guân lāu-jia̍t ê siânn-tshī
相愛的人減一位
siong-ài ê lâng kiám tsi̍t-uī
期待傷心袂過暝
kî-thāi siong-sim buē kuè-mî
相逢等何時
siong-hông tán hô-sî
