早若知影
《早若知影》Tsá Nā Tsai-iánn
蘇宥蓉Soo Iū-iông(蘇路Soo Lōo)
——————————————
毋敢予媽媽你來知影
m̄-kánn hōo má-mah lí lâi tsai-iánn
知影我過著
tsai-iánn guá kuè tio̍h
啥款生活
siánn-khuán sing-ua̍h
當初你的苦勸
tong-tshoo lí ê khóo-khǹg
我攏無聽
guá lóng bô thiann
才會變甲無路通行
tsiah ē piàn kah bô-lōo thang-kiânn
為愛消瘦的形影
uī ài siau-sán ê hîng-iánn
無人愛啊無人疼
bô-lâng ài–ah bô-lâng thiànn
破碎的愛
phò-tshuì ê ài
刺阮心肝
tshì gún sim-kuann
啊~早著愛知影
ah~ tsá tio̍h-ài tsai-iánn
愛情這條路
ài-tsîng tsit tiâu lōo
千萬毋通行
tshian-bān m̄-thang kiânn
啊~早著愛知影
ah~ tsá tio̍h-ài tsai-iánn
愛會予人無性命
ài ē hōo-lâng bô sìnn-miā
