定情的傷痕
《定情的傷痕》Tīng-tsîng ê Siong-hûn
羅一良Lô It-liông
——————————————
我若看著這記
guá nā khuànn-tio̍h tsit kì
尾指指的傷痕
bué-tsíng-tsái ê siong-hûn
就引起我想起
tsiū ín-khí guá siūnn-khí
可愛你的紅喙脣
khó-ài lí ê âng tshuì-tûn
明知你有對我
bîng-tsai lí ū tuì guá
抱著好情份
phāu tio̍h hó tsîng-hūn
行倚去你的身邊
kiânn uá khì lí ê sin-pinn
想欲佮你接吻
siūnn-beh kah lí tsiap-bún
想袂到你一時
siūnn buē-kàu lí tsi̍t-sî
心肝頭亂紛紛
sim-kuann-thâu luān hun-hun
輕輕送我這个
khin-khin sàng guá tsit-ê
引我留戀的傷痕
ín guá liû-luân ê siong-hûn
我若想起這个
guá nā siūnn-khí tsit ê
尾指指的事情
bué-tsíng-tsái ê sū-tsîng
就想起你彼暝
tsiū siūnn-khí lí hit-mî
已經對我有表明
í-king tuì guá ū piáu-bîng
雖然你無開喙
sui-jiân lí bô khui-tshuì
心內有決定
sim-lāi ū kuat-tīng
甘願欲陪伴著我
kam-guān beh puê-phuānn tio̍h guá
快樂來過一生
khuài-lo̍k lâi kè it-sing
咱兩人的祕密
lán nn̄g-lâng ê pì-bi̍t
予人知啥路用
hōo-lâng tsai siánn lōo-īng
因為這个傷痕
in-uī tsit-ê siong-hûn
帶著甘甜的事情
tuà tio̍h kam-tinn ê sū-tsîng
我若看著這記
guá nā khuànn-tio̍h tsit kì
尾指指的傷痕
bué-tsíng-tsái ê siong-hûn
就引起我感覺
tsiū ín-khí guá kám-kak
你的做人真溫馴
lí ê tsuè-lâng tsin un-sûn
彼暝你想歹勢
hit-mî lí siūnn pháinn-sè
滿面罩烏雲
muá-bīn tà oo-hûn
一直來叫阮原諒
it-ti̍t lâi kiò gún guân-liōng
驚我佮你議論
kiann guá kah lí gī-lūn
你對著這層事
lí tuì tio̍h tsit tsân sū
哪著來心憂悶
ná-tio̍h lâi sim iu-būn
我已經來看做
guá í-king lâi khuànn-tsuè
表示定情的傷痕
piáu-sī tīng tsîng ê siong-hûn
