原鄉
原鄉》(I) Guân-hiong (I)
羅大佑 Lô Tāi-iū
———————————————————–
茫茫原鄉對唐山
bông-bông guân-hiong tuì Tn̂g-suann
搖搖擺擺辭海岸
iô-iô pái-pái sî hái-huānn
雨潑面肉風吹帆船
hōo phuah bīn-bah, hong tshue phâng-tsûn
存亡向天影孤單
tsûn-bông ǹg thinn, iánn koo-tuann
渺渺他鄉落塗酸
biáu-biáu thann-hiong lo̍h thôo sng
無暝無日來拍算
bô-mê bô-ji̍t lâi phah-sǹg
血汗無情儉腸攝肚
hueh kuānn bô tsîng, khiām-tn̂g liap-tōo
為求生存揣家園
uī kiû sing-tsûn, tshuē ka-hn̂g
離鄉千里過海路
lī hiong tshian-lí kuè hái-lōo
重重步困探前途
tîng-tîng pōo khùn, thàm tsiân-tôo
春情思鄉秋魂心悲
tshun-tsîng su hiong, tshiu-hûn sim pi
久年食苦望天助
kú-nî tsia̍h-khóo, bāng thinn tsōo
冷冷雲煙佇溪埔
líng-líng hûn-ian tī khe-poo
暝暝刻苦認真播
mê-mê khik-khóo jīn-tsin pòo
引雨掘圳墾山開園
ín hōo ku̍t tsùn, khún suann khui hn̂g
根纏枝湠傳香爐
kin tîn ki thuànn, thuân hiunn-lôo
