魂斷富士嶺
《魂斷富士嶺》Hûn Tuān Hù-sū-niá
顏華Gân Huâ
——————————————
清白的富山嶺頂
tshing-pe̍h ê Hù-suann-niá tíng
美麗江島的水影
bí-lē Kang-tó ê tsuí-iánn
如今攑頭看上去
jû-kim gia̍h-thâu khuànn siōng-khì
傷心目屎滴
siong-sim ba̍k-sái tih
可憐袂得回轉來
khó-liân buē-tit huê-tńg–lâi
十二條的小性命
tsa̍p-jī tiâu ê sió sìnn-miā
心中為你來拍碎
sim-tiong uī lí lâi phah-tshuì
悲慘彼當時
pi-tshám hit-tang-sî
Boat將欲沉落去
bòo-tooh tsiong-bueh tîm–lo̍h-khì
千丈萬丈的海底
tshian-tn̄g bān-tn̄g ê hái-té
山大的風浪
suann tuā ê hong-lōng
只靠雙手拚命划
tsí khò siang-tshiú piànn-miā kò
盡有氣力出了盡
tsīn ū khì-li̍k tshut liáu tsīn
絕望哭叫爸母名
tsua̍t-bāng khàu-kiò pē-bú miâ
此恨何時會解消
tshú hūn hô-sî ē kái-siau
七里濱海岸
Tshit-lí-pin hái-huānn
嶺頂霜雪再弔怨
niá-tíng sng-seh tsài tiàu uàn
海風猶原哭悲哀
hái-hong iu-guân khàu pi-ai
星月也憐惜當時
tshinn-ge̍h iā lîn-sioh tong-sî
光芒暗微微
kong-bông àm bî-bî
小小年紀的英魂
sió-sió nî-kí ê ing-hûn
現在徘徊在何方
hiān-tsāi pâi-huê tsāi hô-hng
早日回去
tsá-ji̍t huê-khì
慈愛的爸母的懷裡
tsû-ài ê pē-bú ê huâi–lí
