青空天使
《青空天使》Tshing-khong Thian-sài
顏華 Gân-huâ
——————————————
想彼時天青無雲
siūnn hit-sî thinn tshing bô hûn
春風吹來心酸酸
tshun-hong tshue–lâi sim sng-sng
無疑悟流浪來到
bô-gî-gōo liû-lōng lâi kàu
繁華的都市
huân-huâ ê too-tshī
千里揣無母親
tshian-lí tshuē bô bú-tshin
哀怨無人知影
ai-uàn bô-lâng tsai-iánn
像鳥仔嬰揣無岫
tshiūnn tsiáu-á-inn tshuē bô siū
含淚聲聲啼
hâm luī siann-siann thî
隨風飄路花野芳
suî hong phiau lōo-hue iá-phang
全望再會時候
tsuân bāng tsài-huē sî-hāu
日來想暝來夢著
ji̍t–lâi siūnn mî–lâi bāng tio̍h
思念的母親
su-liām ê bú-tshin
求神保庇著阮
kiû sîn pó-pì tio̍h gún
母囝會得團圓
bú-kiánn ē-tit thuân-înn
風雪冷霜罩雺霧
hong-seh líng-sng tà bông-bū
悲慘哭暝長
pi-tshám khàu mî tn̂g
