苦海遇情郎
《苦海遇情郎》Khóo-hái Gū Tsîng-lông
羅大佑Lô Tāi-iū
OK男女合唱團OK Lâm-lú Ha̍p-tshiùnn-thuân
——————————————
明知你的目睭
bîng-tsai lí ê ba̍k-tsiu
迷亂阮的目睭
bê-luān gún ê ba̍k-tsiu
偏偏愈看愈痴迷
phian-phian jú khuànn jú tshi-bê
尤其你的聲音
iû-kî lí ê siann-im
傳來的魔力
thuân-lâi ê môo-li̍k
害阮心內彈琵琶
hāi gún sim-lāi tuânn gî-pê
毋知阮無司奶
m̄-tsai gún bô sai-nai
抑是你傷囂俳
ia̍h-sī lí siunn hiau-pai
戀夢煞來出問題
luân-bāng suah lâi tshut būn-tê
明明雙人相欠債
bîng-bîng siang-lâng sio-khiàm-tsè
為何你無講詳細
uī-hô lí bô kóng siông-sè
越頭一去不回
ua̍t-thâu it-khì put-huê
抱著你的身軀
phō tio̍h lí ê sin-khu
溫暖阮的身軀
un-luán gún ê sin-khu
今後只有
kim-āu tsí-ū
夢中走揣
bāng-tiong tsáu-tshuē
但是你在夢中
tān-sī lí tsāi bāng-tiong
看阮咧受罪
khuànn gún teh siū-tsuē
並無半句
pīng bô puànn-kù
關心的話
kuan-sim ê uē
心情親像風吹
sim-tsîng tshin-tshiūnn hong-tshue
飄飄忍受風吹
phiau-phiau jím-siū hong tshue
如今你也毋免解說
jû-kim lí iā m̄-bián kái-sueh
橫直真心的代價
huînn-ti̍t tsin-sim ê tāi-kè
換來傷心歹控制
uānn lâi siong-sim pháinn khòng-tsè
無講較袂怨慼
bô kóng khah buē uàn-tsheh
當初你所講的一切
tong-tshoo lí sóo kóng ê it-tshè
如今阮
jû-kim gún
只有當做笑話
tsí-ū tòng-tsuè tshiò-uē
麻痺的笑容
bâ-pì ê tshiò-iông
其實是難過
kî-si̍t sī lân-kuè
啊~日出看到黃昏
ah~ ji̍t-tshut khuànn kàu hông-hun
看無阮的青春
khuànn-bô gún ê tshing-tshun
夜夜心疼
iā-iā sim thiànn
頭犁犁
thâu lê-lê
紅塵中的落花
hông-tîn tiong ê lo̍h-hue
總是墜落地
tsóng-sī tuī lo̍h-tē
偏偏阮
phian-phian gún
在風中徘徊
tsāi hong-tiong pâi-huê
心事化做心聲
sim-sū huà-tsò sim-siann
夜夜唱甲梢聲
iā-iā tshiùnn kah sau-siann
竟然攏是
kìng-jiân lóng-sī
夢中的話
bāng-tiong ê uē
原來傷心的代價
guân-lâi siong-sim ê tāi-kè
無將真心來挽回
bô tsiong tsin-sim lâi bán-huê
害阮付出遐濟
hāi gún hù-tshut hiah tsuē
原來傷心的代價
guân-lâi siong-sim ê tāi-kè
無將真心來挽回
bô tsiong tsin-sim lâi bán-huê
害阮付出遐濟
hāi gún hù-tshut hiah tsuē
世間上
sè-kan-siōng
最大的笑話
tsuè tuā ê tshiò-uē
就是熱戀的山盟海誓
tsiū-sī jia̍t-luân ê san-bîng hái-sè
隨時咧製造
suî-sî teh tsè-tsō
隨時會反背
suî-sî ē huán-puē
明知你的目睭
bîng-tsai lí ê ba̍k-tsiu
迷亂阮的目睭
bê-luān gún ê ba̍k-tsiu
偏偏愈看愈痴迷
phian-phian jú khuànn jú tshi-bê
抱著你的身軀
phō tio̍h lí ê sin-khu
溫暖阮的身軀
un-luán gún ê sin-khu
今後只有
kim-āu tsí-ū
夢中走揣
bāng-tiong tsáu-tshuē
