相鼠
《相鼠》Siòng Tshí
羅大佑Lô Tāi-iū
OK男女合唱團OK Lâm-lú Ha̍p-tshiùnn-thuân
——————————————
你若學人
lí nā o̍h lâng
講正義啊先生
kóng tsìng-gī–ah sian-sinn
我嘛想著
guá mā siūnn-tio̍h
足趣味
tsiok tshù-bī
你若想欲
lí nā siūnn-beh
插政治啊先生
tshap tsìng-tī–ah sian-sinn
我就會使看好戲
guá tiō ē-sái khuànn hó-hì
你若名聲
lí nā miâ-siann
欲漂白啊先生
beh phiò-pe̍h–ah sian-sinn
踮在籠內
tiàm tsāi lông-lāi
免出來踅喔
bián tshut-lâi se̍h–ooh
你若嫌錢
lí nā hiâm tsînn
囤太濟啊先生
tún thài tsē–ah sian-sinn
哪會毋加減罔救濟
ná-ē m̄ ke-kiám bóng kiù-tsè
看彼隻鳥鼠嘛有皮
khuànn hit tsiah niáu-tshí mā ū phuê
做人你哪會遐?假
tsò-lâng lí ná ē hiah gâu ké
做人你若是遐?假
tsò-lâng lí nā-sī hiah gâu ké
無死你是欲創啥物
bô sí lí sī beh tshòng siánn-mih
看彼隻鳥鼠嘛有齒
khuànn hit tsiah niáu-tshí mā ū khí
做人你哪會遐無恥
tsuè-lâng lí ná ē hiah bô-thí
做人你若是遐無恥
tsuè-lâng lí nā-sī hiah bô-thí
無死你嘛是加了米
bô sí lí mā sī ke liáu bí
看彼隻鳥鼠嘛有體
khuànn hit tsiah niáu-tshí mā ū thé
做人你哪會遐無禮
tsò-lâng lí ná ē hiah bô lé
做人你若是遐無禮
tsuè-lâng lí nā-sī hiah bô lé
規氣死死咧崁布袋
kui-khì sí-sí–leh khàm pòo-tē
毋免閣佇遐佯生
m̄-bián koh tī hia tìnn-tshinn
毋免閣佇遐對瞠
m̄-bián koh tī hia tuì-tshinn
毋免閣佇遐?佮啼
m̄-bián koh tī hia tshoh kah thî
毋管誰號做救星
m̄-kuán siáng hō-tsuè kiù-tshinn
毋管誰號做剋星
m̄-kuán siáng hō-tsuè khik-tshinn
毋免閣佇遐相觸纏
m̄-bián koh tī hia sio tak-tînn
若欲閣佇遐聳鬚
nā beh koh tī hia tshàng-tshiu
若欲閣佇遐頓張
nā beh koh tī hia tùn-tiunn
人生擋佇咧烏暗暝
jîn-sing tòng tī-leh oo-àm mî
面子掛佇咧喙邊
bīn-tsú kuà tī-leh tshuì-pinn
目屎滴落去鬢邊
ba̍k-sái tih lo̍h-khì pìn-pinn
逐家敢著愛衰過年
ta̍k-ke kánn tio̍h-ài sue kuè-nî
你若學人
lí nā o̍h lâng
講正義啊先生
kóng tsìng-gī–ah sian-sinn
敢是社會咧破病
kám-sī siā-huē teh phuà-pīnn
你若想欲
lí nā siūnn-beh
插政治啊先生
tshap tsìng-tī–ah sian-sinn
閣是一齣武俠片
koh sī tsi̍t-tshut bú-kiap phìnn
你若名聲
lí nā miâ-siann
肯漂白啊先生
khíng phiò-pe̍h–ah sian-sinn
我將頭殼準椅仔坐
guá tsiong thâu-khak tsún í-á tsē
你若食錢
lí nā tsia̍h-tsînn
撚遐濟啊先生
lián hiah tsē–ah sian-sinn
哪會毋心肝反出來配
ná-ē m̄ sim-kuann píng tshut-lâi phè
你若食飯
lí nā tsia̍h-pn̄g
免阮飼啊先生
bián gún tshī–ah sian-sinn
哪著行動遐鬼祟
ná-tio̍h hîng-tōng hiah kuí-suī
你若食老
lí nā tsia̍h-lāu
好準備啊先生
hó tsún-pī–ah sian-sinn
我嘛毋管你貴姓
guá mā m̄-kuán lí kuì-sìnn
看彼隻鳥鼠嘛有鬚
khuànn hit tsiah niáu-tshí mā ū tshiu
做人你哪會遐?張
tsò-lâng lí ná ē hiah gâu tiunn
做人你若是遐?張
tsò-lâng lí nā-sī hiah gâu tiunn
無死你敢是皮咧癢
bô sí lí kám-sī phuê teh tsiūnn
看彼隻鳥鼠嘛有喙喔
khuànn hit tsiah niáu-tshí mā ū tshuì–ooh
做人你哪會遐匪類
tsò-lâng lí ná ē hiah huí-luī
做人你若是遐匪類
tsò-lâng lí nā-sī hiah huí-luī
規氣死死較袂鎮位
kui-khì sí-sí khah buē tìn-uī
毋免閣佇遐盹龜
m̄-bián koh tī hia tuh-ku
毋免閣佇遐盹龜
m̄-bián koh tī hia tuh-ku
毋免閣佇遐?佮啼
m̄-bián koh tī hia tshoh kah thî
毋管誰佇咧顧更
m̄-kuán siáng tī-leh kòo-kinn
毋管誰想欲變天
m̄-kuán siáng siūnn-beh piàn-thinn
毋免閣佇遐相觸纏
m̄-bián koh tī hia sio tak-tînn
若欲閣佇遮孝孤
nā beh koh tī tsia hàu-koo
若欲閣佇遐抹烏
nā beh koh tī hia buah-oo
人生擋佇咧烏暗暝
jîn-sing tòng tī-leh oo-àm mî
面子掛佇咧喙邊
bīn-tsú kuà tī-leh tshuì-pinn
目屎滴落去鬢邊
ba̍k-sái tih lo̍h-khì pìn-pinn
逐家敢著愛燒庫錢
ta̍k-ke kánn tio̍h-ài sio khòo-tsînn
只有一坩
tsí-ū tsi̍t-khann
歹泔糜啊先生
pháinn ám-bê–ah sian-sinn
攏無一跤好布袋喔
lóng bô tsi̍t-kha hó pòo-tē–ooh
誰共逐家
siáng kā ta̍k-ke
攏出賣啊先生
lóng tshut-bē–ah sian-sinn
敢是你這隻鳥鼠啊喂
kám-sī lí tsit tsiah niáu-tshí–ah-uê
