無情夜
《無情夜》Bô-tsîng Iā
麗娜Lē-ná
——————————————
初戀的時情義重
tshoo-luân ê sî tsîng-gī tāng
世間閣揣無別人
sè-kan koh tshuē-bô pa̍t-lâng
昨暝佮伊睏仝房
tsa-mî kah i khùn kāng pâng
無疑拄著採花蜂
bô-gî tú-tio̍h tshái-hue-phang
啊~無情夜
ah~ bô-tsîng iā
誤阮一世人
gōo gún tsi̍t-sì-lâng
世間男人百百款
sè-kan lâm-jîn pah-pah-khuán
迫阮落海著去賺
pik gún lo̍h-hái tio̍h khì tsuán
烏街暗巷每日等
oo-kue àm-hāng muí-ji̍t tán
人客侮辱真悽慘
lâng-kheh bú-jio̍k tsin tshinn-tshám
啊~無情夜
ah~ bô-tsîng iā
可憐一世人
khó-liân tsi̍t-sì-lâng
紅燈青燈煙花街
âng-ting tshinn-ting ian-hua-ke
水潑落地難收回
tsuí phuah lo̍h-tē lân siu-huê
從今以後真怨慼
tsiông-kim í-āu tsin uàn-tsheh
社會最毒你一人
siā-huē tsuè thāu lí tsi̍t-lâng
啊~無情夜
ah~ bô-tsîng iā
怨恨一世人
uàn-hūn tsi̍t-sì-lâng
