溫泉鄉的吉他
《溫泉鄉的吉他》Un-tsuânn-hiong ê Gì-tah
麗娜Lē-ná
——————————————
溫泉鄉春風微微
un-tsuânn-hiong tshun-hong bî-bî
百花滿滿是
pah-hue muá-muá-sī
蝴蝶鳥隻成雙對
ôo-tia̍p tsiáu-tsiah sîng-siang-tuì
飛來又飛去
pue-lâi iū pue-khì
啊~想起彼當時
ah~ siūnn-khí hit-tang-sî
你咱情愛糖蜜甜
lí lán tsîng-ài thn̂g-bi̍t-tinn
吉他彈出
gì-tah tuânn tshut
快樂優美的歌詩
khuài-lo̍k iu-bí ê kua-si
溫泉鄉日頭斜西
un-tsuânn-hiong ji̍t-thâu tshiâ-sai
佳慧哭悲哀
Ka-huī khàu pi-ai
真情真意相意愛
tsin-tsîng tsin-ì sio-ì-ài
無疑分東西
bô-gî hun tang-sai
啊~純情的目屎
ah~ sûn-tsîng ê ba̍k-sái
為著啟明滴落來
uī-tio̍h Khé-bîng tih–lo̍h-lâi
吉他伴伊
gì-tah phuānn i
傷心流浪走天涯
siong-sim liû-lōng tsáu thian-gâi
溫泉鄉寒風微微
un-tsuânn-hiong hân-hong bî-bî
佳慧哭哀悲
Ka-huī khàu ai-pi
叫出啟明伊名字
kiò-tshut Khé-bîng i miâ-jī
傷心珠淚滴
siong-sim tsu-luī tih
啊~你咱欲相見
ah~ lí lán bueh sann-kìnn
著愛等待後出世
tio̍h-ài tán-thāi āu-tshut-sì
吉他彈出
gì-tah tuânn tshut
哀愁悲慘斷腸詩
ai-tshiû pi-tshám tuān-tn̂g-si
