港町十三番地
《港町十三番地》Káng-ting Tsa̍p-sann Huan-tē
顏華Gân Huâ
——————————————
遙遠的航路旅行
iâu-uán ê hâng-lōo lú-hîng
一路順風回故鄉
it-lōo sūn-hong huê kòo-hiong
在港口搖來搖去
tsāi káng-kháu iô lâi iô khì
大小船過暝
tuā-sió tsûn kè-mî
想前日勞苦海面
siūnn tsiân-ji̍t lô-khóo hái-bīn
グラス的一杯酒(glass)
gu-lá-suh ê tsi̍t-pue tsiú
在酒廳一切袂記
tsāi tsiú-thiann it-tshè buē-kì
マドロス情也醉(matroos/船員)
ma-lóo-lóo-su tsîng iā tsuì
啊~港町十三番地
ah~ káng-ting tsa̍p-sann huan-tē
銀杏青
gûn-hīng tshinn
春風微微
tshun-hong bî-bî
石砂小路無人影
tsio̍h-sua sió-lōo bô lâng-iánn
成雙對形影相隨
sîng-siang-tuì hîng-iánn sio-suî
講話糖蜜甜
kóng-uē thn̂g-bi̍t-tinn
五彩色霓虹燈
ngóo-tshái-sik nê-ông-ting
引阮踏入愛情池
ín gún ta̍h-ji̍p ài-tsîng tî
斡正爿一直過去
uat tsiànn-pîng it-ti̍t kè-khì
十字路頭波止埕(波止場/はとば)
si̍p-jī-lōo thâu pho-tsí-tiánn
啊~港町十三番地
ah~ káng-ting tsa̍p-sann huan-tuē
等船來
tán tsûn lâi
心情搖動
sim-tsîng iâu-tōng
暝日無離心相印
mî-ji̍t bô lî sim siong-ìn
送船去
sàng tsûn khì
惜別彼時
sioh-pia̍t hit-sî
雙人心傷悲
siang-lâng sim siong-pi
毋敢講滿腹稀微
m̄-kánn kóng muá-pak hi-bî
啉酒解消阮心理
lim-tsiú kái-siau gún sim-lí
看天星茫茫帶意
khuànn thinn-tshinn bâng-bâng tài-ì
窗外月娘半爿圓
thang-guā ge̍h-niû puànn-pîng înn
啊~港町十三番地
ah~ káng-ting tsa̍p-sann huan-tuē
