望鄉
《望鄉》Bāng Hiong
羅時豐Lô Sî-hong
——————————————
我徛在風雨的路上
guá khiā tsāi hong-hōo ê lōo-siōng
將思念藏心中
tsiong su-liām tshàng sim-tiong
也抱著心頭的受傷
iā phō tio̍h sim-thâu ê siū-siong
被命運的作弄
pī miā-ūn ê tsok-lōng
世間何處往
sè-kan hô-tshù óng
才揣有人拭風霜
tsiah tshuē ū-lâng tshit hong-song
毋知人生愛偌久
m̄-tsai jîn-sing ài guā kú
才會停止閣流浪
tsiah ē thîng-tsí koh liû-lōng
等待我
tán-thāi guá
是遠遠的故鄉
sī hn̄g-hn̄g ê kòo-hiong
茫茫千里路
bâng-bâng tshian-lí lōo
張持半里的霧中
tiunn-tî puànn-lí ê bū-tiong
重重萬重山
tîng-tîng bān-tiông suann
錯過山水嘆花容
tshò-kuè san-suí thàn hua-iông
彎彎千里河
uan-uan tshian-lí hô
面對無情的波浪
bīn-tuì bô-tsîng ê pho-lōng
苦苦的相思
khóo-khóo ê siunn-si
希望你予我力量
hi-bāng lí hōo guá li̍k-liōng
若過美人關
nā kuè bí-jîn-kuan
才知是英雄
tsiah tsai sī ing-hiông
春秋也經過
tshun-tshiu iā king-kuè
啥人問情郎
siánn-lâng mn̄g tsîng-lông
何時何月何年
hô-sî hô-gue̍h hô-nî
回故鄉
huê kòo-hiong
—
夜夜的夢中
iā-iā ê bāng-tiong
日出在東方
ji̍t-tshut tsāi tang-hong
伴阮在望鄉
phuānn gún tsāi bāng hiong
