慈母淚
《慈母淚》Tsû-bú Luī
麗娜Lē-ná
——————————————
心愛的我的女兒
sim-ài ê guá ê lú-jî
心肝的女兒
sim-kuann ê lú-jî
無情的風雨
bô-tsîng ê hong-ú
逼阮母囝拆分離
pik gún bú-kiánn thiah hun-lî
希望你平安過日
hi-bāng lí pîng-an kuè-ji̍t
神明鬥保庇
sîn-bîng tàu pó-pì
等何時才會團圓
tán hô-sî tsiah ē thuân-înn
珠淚㴙㴙滴
tsu-luī tsha̍p-tsha̍p-tih
聽見著心愛女兒
thiann-kìnn tio̍h sim-ài lú-jî
悲慘的哭聲
pi-tshám ê khàu-siann
若親像割阮心腸
ná-tshin-tshiūnn kuah gún sim-tn̂g
怨嘆著運命
uàn-thàn tio̍h ūn-miā
為怎樣小小年紀
uī-tsuánn-iūnn sió-sió nî-kí
變成歹命囝
piàn-sîng pháinn-miā kiánn
為怎樣母囝運命
uī tsuánn-iūnn bú-kiánn ūn-miā
想著心痛疼
siūnn-tio̍h sim thàng-thiànn
看見著心愛女兒
khuànn-kìnn tio̍h sim-ài lú-jî
已經離開去
í-king lī-khui khì
無情的？？阻礙
bô-tsîng ê ? ? tsóo-gāi
心肝強欲碎
sim-kuann kiōng-beh tshuì
忍耐著滿腹悲情
jím-nāi tio̍h muá-pak pi-tsîng
珠淚四淋垂
tsu-luī sì-lâm-suî
只有是祈禱著伊
tsí-ū sī kî-tó tio̍h i
幸福過日子
hīng-hok kè ji̍t-tsí
