愛到夢袂醒
《愛到夢袂醒》Ài Kàu Bāng Buē Tshínn
藍詠思Nâ Īng-su
——————————————
金金看著過去情愛
kim-kim khuànn tio̍h kuè-khì tsîng-ài
漸漸無滋味
tsiām-tsiām bô tsu-bī
金金看著你
kim-kim khuànn tio̍h lí
欲離開阮的身軀邊
beh lī-khui gún ê sin-khu-pinn
你講阮是天頂的月
lí kóng gún sī thinn-tíng ê gue̍h
你是月邊彼粒星
lí sī gue̍h-pinn hit lia̍p tshinn
兩人永遠相愛相隨
nn̄g-lâng íng-uán siong-ài siong-suî
毋知阮
m̄-tsai gún
著閣再愛你
tio̍h koh-tsài ài lí
抑是怨恨你
ia̍h-sī uàn-hūn lí
毋知阮
m̄-tsai gún
著閣再等你
tio̍h koh-tsài tán lí
抑是放棄你
ia̍h-sī hòng-khì lí
明知你是花言巧語
bîng-tsai lí sī hua-giân khá-gí
不該對你情綿綿
put-kai tuì lí tsîng mî-mî
愛你愛到
ài lí ài kàu
夢也夢袂醒
bāng iā bāng buē-tshínn
既然星佮月伴相隨
kì-jiân tshinn kah gue̍h phuānn-siong-suî
怎樣袂當來做堆
tsuánn-iūnn buē-tàng lâi tsuè-tui
如今你堅持欲離開
jû-kim lí kian-tshî beh lī-khui
我猶原對你放袂離
guá iu-guân tuì lí pàng buē-lī
無情的人
bô-tsîng ê lâng
我應該我應該
guá ing-kai guá ing-kai
愛你抑恨你
ài lí ia̍h hūn lí
