寂寞的夜港邊
《寂寞的夜港邊》Tsi̍k-bo̍k ê Iā Káng-pinn
顏華Gân Huâ
——————————————
港邊的青紅燈影
káng-pinn ê tshinn-âng-ting iánn
在水面漂漂
tsāi tsuí-bīn phiau-phiau
安慰阮心情無聊
an-uì gún sim-tsîng bô-liâu
伴阮渡春宵
phuānn gún tōo tshun-siau
薄命的阮的將來
po̍h-miā ê gún ê tsiong-lâi
無人敢來替阮料
bô-lâng kánn lâi thuè gún liāu
是啥人來吹著
sī siánn-lâng lâi tshue tio̍h
悲哀的洞簫
pi-ai ê tōng-siau
深更的天星閃爍
tshim-kinn ê thinn-tshinn siám-sih
寂寞月暗暝
tsi̍k-bo̍k ge̍h-àm-mî
秋蟲聲踮在耳邊
tshiu-thâng siann tiàm-tsāi hīnn-pinn
唱出斷腸詩
tshiùnn-tshut tuān-tn̂g-si
無情的可愛郎君
bô-tsîng ê khó-ài lông-kun
因何放阮做你去
in-hô pàng gún tsuè lí khì
耽誤阮青春期
tam-gōo gún tshing-tshun kî
空空過三年
khang-khang kè sann-nî
港邊的淒冷春風
káng-pinn ê tshe-líng tshun-hong
微微吹身邊
bî-bî tshue sin-pinn
像彼暝情甘意甜
tshiūnn hit mî tsîng kam ì tinn
雙人離別時
siang-lâng lī-pia̍t sî
約束的句句言語
iok-sok ê kù-kù giân-gú
雖然你來放袂記
sui-jiân lí lâi pàng-buē-kì
是運命來安排
sī ūn-miā lâi an-pâi
毋敢怨恨你
m̄-kánn uàn-hūn lí
