失戀雨
《失戀雨》Sit-luân Hōo
羅時豐Lô Sî-hong
——————————————
行到愛情雙叉路
kiânn kàu ài-tsîng siang-tshe-lōo
我的心中
guá ê sim-tiong
已經有覺悟
í-king ū kak-ngōo
你的表情你的心
lí ê piáu-tsîng lí ê sim
決定行另外一條路
kuat-tīng kiânn līng-guā tsi̍t-tiâu lōo
花蕊被風吹落塗
hue-luí pī hong tshue lo̍h-thôo
離葉離枝無倚靠
lî-hio̍h lî-ki bô uá-khò
用心計較無結果
iōng-sim kè-kàu bô kiat-kó
心怨妒
sim uàn-tòo
冷冷冰冰失戀雨
líng-líng ping-ping sit-luân hōo
今夜又閣一直落
kim-iā iū-koh it-ti̍t lo̍h
想起分開彼下晡
siūnn-khí hun-khui hit ē-poo
難分難捨
lân-hun lân-siá
目睭咧落雨
ba̍k-tsiu teh lo̍h-hōo
冷冷冰冰失戀雨
líng-líng ping-ping sit-luân hōo
雨水滋味遮爾苦
hōo-tsuí tsu-bī tsiah-nī khóo
對你的情難忘
tuì lí ê tsîng lân-bōng
思念的心寂寞
su-liām ê sim tsi̍k-bo̍k
感情失落無人看顧
kám-tsîng sit-lo̍h bô-lâng khuànn-kòo
