天烏一爿
《天烏一爿》Thinn Oo Tsi̍t-pîng
羅時豐Lô Sî-hong
——————————————
拍開目睭
phah-khui ba̍k-tsiu
漸漸醒來
tsiām-tsiām tshínn–lâi
離開眠床頂
lī-khui bîn-tshn̂g-tíng
又是一工
iū sī tsi̍t-kang
反反覆覆
huán-huán-hok-hok
無聊的人生
bô-liâu ê jîn-sing
拍開心門
phah-khui sim-mn̂g
捫心自問
bûn-sim tsū būn
何時捌付出真情
hô-sî bat hù-tshut tsin-tsîng
時時刻刻來反省
sî-sî-khik-khik lâi huán-síng
阮當初不該的情形
gún tong-tshoo put-kai ê tsîng-hîng
親像天烏一爿
tshin-tshiūnn thinn oo tsi̍t-pîng
誰叫阮
siáng kiò gún
懵懂的個性
bóng-tóng ê kò-sìng
打扎的話已用盡
tánn-tsah ê uē í iōng-tsīn
只賰阮殘破的身形
tsí tshun gún tsân-phuà ê sin-hîng
天烏一爿
thinn oo tsi̍t-pîng
希望理想全變形
hi-bāng lí-sióng tsuân piàn-hîng
雖然你攏無表明
sui-jiân lí lóng bô piáu-bîng
我知我傷了你的心
guá tsai guá siong liáu lí ê sim
—
啊哈我失落的真情
ah-hah guá sit-lo̍h ê tsin-tsîng
啊哈像天烏一爿
ah-hah thsiūnn thinn oo tsi̍t-pîng
—
日日夜夜欲追求
ji̍t-ji̍t-iā-iā beh tui-kiû
煞失落自己的真心
suah sit-lo̍h tsū-kí ê tsin-sim
