天星伴月娘
《天星伴月娘》Thinn-tshenn Phuānn Gue̍h-niû
魏嘉榆Guī Ka-jû
——————————————
痴痴望月圓
tshi-tshi bāng gue̍h înn
坐踮故鄉的窗邊
tsē tiàm kòo-hiong ê thang-pinn
望你拍拚出頭天
bāng lí phah-piànn tshut-thâu-thinn
你毋通袂記
lí m̄-thang buē-kì
咱的約定
lán ê iok-tīng
一句句甜蜜的話語
tsi̍t-kù-kù tinn-bi̍t ê uē-gí
千里萬里
tshian-lí bān-lí
一粒心佮你相隨
tsi̍t-lia̍p sim kah lí siong-suî
綿綿的情
mî-mî ê tsîng
化做天星陪伴你
huà-tsuè thinn-tshinn puê-phuānn lí
千言萬語
tshian-giân bān-gí
囥佇心內莫提起
khǹg tī sim-lāi mài thê-khí
就算沉重也甘甜
tiō-sǹg tîm-tāng iā kam-tinn
阮會等待你
gún ē tán-thāi lí
等你佮阮來團圓
tán lí kah gún lâi thuân-înn
天星月娘
thinn-tshinn gue̍h-niû
永遠伴相隨
íng-uán phuānn-siong-suî
