辛苦是阿爸的名
《辛苦是阿爸的名》Sin-khóo Sī A-pah ê Miâ
羅時豐Lô Sî-hong
——————————————
一雙箸一塊碗
tsi̍t-siang tī tsi̍t-tè uánn
你欲用偌濟血汗
lí beh iōng guā-tsuē hueh-kuānn
一喙飯一口鼎
tsi̍t-tshuì pn̄g tsi̍t-kháu tiánn
勤勤儉儉為某囝
khîn-khîn-khiām-khiām uī bóo-kiánn
你的愛懸過山
lí ê ài kuân kuè suann
你的情比海闊
lí ê tsîng pí hái khuah
對阮付出
tuì gún hù-tshut
全然無條件
tsuân-jiân bô tiâu-kiānn
黃昏伴著
hông-hun phuānn tio̍h
消瘦的背影
siau-sán ê puē-iánn
一生毋捌怨過命
it-sing m̄-bat uàn kuè miā
有時想起你
ū-sî siūnn-khí lí
只有毋甘佮心疼
tsí-ū m̄-kam kah sim-thiànn
辛苦是阿爸的名
sin-khóo sī a-pah ê miâ
你的恩情比天較大
lí ê un-tsîng pí thinn khah tuā
心內一句話
sim-lāi tsi̍t-kù uē
阿爸
a-pah
感謝再感謝
kám-siā tsài kám-siā
