較想也是你
《較想也是你》Khah Siūnn Iā-sī Lí
羅時豐Lô Sî-hong
——————————————
猶原閣是
iu-guân koh sī
落著毛毛小雨的暗暝
lo̍h tio̍h mn̂g-mn̂g sió-hōo ê àm-mî
車窗外
tshia-thang guā
看見熟似的伊
khuànn-kìnn si̍k-sāi ê i
陪伴人身邊
puê-phuānn lâng sin-pinn
一直有一句話
it-ti̍t ū tsi̍t-kù uē
我毋捌講出喙
guá m̄-bat kóng tshut-tshuì
只是一句
tsí-sī tsi̍t-kù
簡單的愛你
kán-tan ê ài lí
定定我一个人
tiānn-tiānn guá tsi̍t-ê-lâng
陪伴繁華的稀微
puê-phuānn huân-huâ ê hi-bî
開著車
khui tio̍h tshia
播送《茫茫到深更》
pòo-sàng bâng-bâng kàu tshim-kinn
無意中搪著你
bô-ì-tiong tn̄g-tio̍h lí
雄雄毋敢來相認
hiông-hiông m̄-kánn lâi sio-jīn
心內較想也是你
sim-lāi khah siūnn iā-sī lí
為何只敢偷偷看
uī-hô tsí kánn thau-thau khuànn
我這个人
guá tsit ê lâng
我這个心踮你身邊
guá tsit ê sim tiàm lí sin-pinn
如今較想也是你
jû-kim khah siūnn iā-sī lí
偏偏我無勇氣
phian-phian guá bô ióng-khì
只有踮車內
tsí-ū tiàm tshia-lāi
看你攬著伊離開
khuànn lí lám tio̍h i lī-khui
