石頭也會軟心肝
《石頭也會軟心肝》Tsio̍h-thâu Iā Ē Nńg Sim-kuann
羅時豐Lô Sî-hong
——————————————
有講無咧聽
ū kóng bô teh thiann
有等無看影
ū tán bô-khuànn iánn
勼佇一个感情的空城
kiu tī tsi̍t-ê kám-tsîng ê khang-siânn
孤單免人請
koo-tuann bián lâng tshiánn
傷心綴咧行
siong-sim tuè leh kiânn
真心等無人來疼
tsin-sim tán-bô lâng lâi thiànn
若是一个大聲
nā-sī tsi̍t-ê tuā-siann
一个毋驚
tsi̍t-ê m̄-kiann
情路欲按怎行
tsîng-lōo beh án-tsuánn kiânn
無論最後
bô-lūn tsuè-āu
誰輸誰贏
siáng su siáng iânn
仝款攏心疼
kāng-khuán lóng sim thiànn
若是一个輕聲
nā-sī tsi̍t-ê khin siann
一个收山
tsi̍t-ê siu-suann
情路閣繼續行
tsîng-lōo koh kè-sio̍k kiânn
提出溫柔
the̍h tshut un-jiû
代替拚命
tāi-thè piànn-miā
石頭嘛會軟心肝
tsio̍h-thâu mā ē nńg sim-kuann
