有緣來做伙
《有緣來做伙》Ū-iân Lâi Tsò-hué
羅時豐Lô Sî-hong
——————————————
世間千千萬萬人遮濟
sè-kan tshian-tshian-bān-bān lâng tsiah tsuē
偏偏緣份將咱縛做伙
phian-phian iân-hūn tsiong lán pa̍k tsò-hué
我若是春風
guá nā-sī tshun-hong
你是芳花
lí sī phang-hue
阮若微微仔吹
gún nā bî-bî-á tshue
你的芳味綴你飛
lí ê phang-bī tuè lí pue
對你追求的人嘛真濟
tuì lí tui-kiû ê lâng mā tsin-tsuē
偏偏你就佮意阮一个
phian-phian lí tiō kah-ì gún tsi̍t-ê
我可比天星
guá khó-pi thinn-tshinn
你是明月
lí sī bîng-gue̍h
每暗佇雲中相揣
muí-àm tī hûn-tiong sio-tshuē
永遠咧陪伴做伙
íng-uán teh puê-phuānn tsò-hué
啊~心愛的
ah~ sim-ài–ê
這世人有緣來做伙
tsit-sì-lâng ū-iân lâi tsò-hué
是頂世人就相欠債
sī tíng-sì-lâng tiō sio-khiàm-tsè
有時難免
ū-sî lân-bián
會有淡薄仔誤會
ē ū tām-po̍h-á gōo-huē
雖然三不五時會冤家
sui-jiân sam-put-gōo-sî ē uan-ke
啊~心愛的
ah~ sim-ài–ê
既然是有緣來做伙
kì-jiân sī ū-iân lâi tsò-hué
是頂世人就註定好勢
sī tíng-sì-lâng tiò tsù-tiann hó-sè
有時想詳細
ū-sî siūnn siông-sè
就莫計較遐濟
tiō mài kè-kàu hiah tsuē
阮嘛猶原
gún mā iû-guân
會一生伴你做伙
ē it-sing phuānn lí tsò-hué
