叫著你的名
《叫著你的名》Kiò Tio̍h Lí ê Miâ
羅時豐Lô Sî-hong
——————————————
千金難買早知影
tshian-kim lân bé tsá tsai-iánn
知影後悔已經慢
tsai-iánn hiō-hué í-king bān
花謝落塗葉離枝
hue siā lo̍h-thôo hio̍h lî-ki
夢啊夢
bāng–ah bāng
夢到何時
bāng kàu hô-sî
有體無魂稻草人
ū-thé bô-hûn tiū-tsháu-lâng
傷心寄去佗位藏
siong-sim kià khì tó-uī tshàng
望穿秋水袂振動
bāng-tshuan tshiu-suí buē tín-tāng
孤苦思念碎心窗
koo-khóo su-liām tshuì sim-thang
啊~叫著你的名
ah~ kiò tio̍h lí ê miâ
千刀深萬刀割
tshian-to tshim bān-to kuah
你敢知影
lí kám tsai-iánn
海水猶未焦
hái-tsuí iáu-buē ta
石頭猶未爛
tsio̍h-thâu iáu-buē nuā
你的咒誓是我一生
lí ê tsiù-tsuā sī guá it-sing
永遠永遠的疼
íng-uán íng-uán ê thiànn
