傷心的歌名
《傷心的歌名》Siong-sim ê Kua-miâ
羅時豐Lô Sî-hong
——————————————
殘月冷風夜半星
tsân-gue̍h líng-hong iā-puànn tshinn
獨行獨醉獨相思
to̍k hîng to̍k tsuì to̍k siunn-si
等袂到你的回心轉意
tán buē kàu lí ê huê-sim-tsuán-ì
心似一片烏陰天
sim sū tsi̍t-phiàn oo-im-thinn
愛到無命毋知驚
ài kàu bô-miā m̄-tsai kiann
青春宛然手中沙
tshing-tshun uán-jiân tshiú-tiong sua
想袂到你的冷言冷語
siūnn buē-kàu lí ê líng-giân líng-gí
叫阮反背愛情詩
kiò gún huán-puē ài-tsîng si
為了你天天醉
uī-liáu lí thian-thian tsuì
天天醉
thian-thian tsuì
虛度的人生
hi-tōo ê jîn-sing
予人看袂起
hōo-lâng khuànn-buē-khí
破碎的
phò-tshuì ê
破碎的心肝
phò-tshuì ê sim-kuann
叫阮按怎紩
kiò gún án-tsuánn thin
不應該天天醉
put-ìng-kai thian-thian tsuì
天天醉
thian-thian tsuì
愛若是慈悲
ài nā-sī tsû-pi
我該感謝你
guá kai kám-siā lí
傷心的
siong-sim ê
傷心的情歌
siong-sim ê tsîng-kua
今夜閣來唱規暝
kim-iā koh lâi tshiùnn kui-mî
