一生的愛留予你做伴
《一生的愛留予你做伴》It-sing ê Ài Lâu Hōo Lí Tsuè-phuānn
羅時豐Lô Sî-hong
——————————————
愛若是行到最後
ài nā-sī kiânn kàu tsuè-āu
才雄雄來拆散
tsiah hiông-hiông lâi thiah-suànn
你我的情份
lí guá ê tsîng-hūn
親像搬袂完的電影
tshin-tshiūnn puann buē-uân ê tiān-iánn
海水猶未焦
hái-tsuí iáu-buē ta
石頭猶未爛
tsio̍h-thâu iáu-buē nuā
山盟佮海誓
san-bîng kah hái-sè
攏是無聊的咒誓
lóng-sī bô-liâu ê tsiù-tsuā
敢講咱的愛
kám-kóng lán ê ài
是難圓的破鏡
sī lân înn ê phuà-kiànn
過去的一切
kuè-khì ê it-tshè
親像風吹拍斷線
tshin-tshiūnn hong-tshue phah-tn̄g suànn
感情放愈深
kám-tsîng pàng jú tshim
傷痕就愈大
siong-hûn tiō jú tuā
這世人袂當行相倚
tsit-sì-lâng buē-tàng kiânn sio-uá
用後世人來換
iōng āu-sì-lâng lâi uānn
毋甘越頭看
m̄-kam ua̍t-thâu khuànn
傷心路我來行
siong-sim lōo guá lâi kiânn
只要你
tsí-iàu lí
過著幸福的生活
kuè tio̍h hīng-hok ê sing-ua̍h
毋甘越頭看
m̄-kam ua̍t-thâu khuànn
輕輕叫你的名
khin-khin kiò lí ê miâ
將一生的愛
tsiong it-sing ê ài
留予你做伴
lâu hōo lí tsuè-phuānn
