絕情夢
《絕情夢》Tsua̍t-tsîng Bāng
謝莉婷Siā Lī-tîng
——————————————
摻著酒味的愛
tsham tio̍h tsiú-bī ê ài
啉落去心茫茫
lim–lo̍h-khì sim bâng-bâng
抱著美夢的花蕊
phō tio̍h bí-bāng ê hue-luí
需要人來疼痛
su-iàu lâng lâi thiànn-thàng
蝴蝶戀花芳
ôo-tia̍p luân hue phang
春天變面像寒冬
tshun-thinn piàn-bīn tshiūnn hân-tang
昨暝月娘來戲弄
tsa-mî gue̍h-niû lâi hì-lāng
騙阮心茫茫
phiàn gún sim bâng-bâng
你是阮最愛的人
lí sī gún tsuè ài ê lâng
傷阮遮爾重
siong gún tsiah-nī tāng
風雨落葉的情
hong-ú lo̍h-hio̍h ê tsîng
墜落塗
tuī lo̍h-thôo
心無奈
sim bô-nāi
漂流茫茫的人海
phiau-liû bâng-bâng ê jîn-hái
有啥人來關懷
ū siánn-lâng lâi kuan-huâi
蝴蝶戀花芳
ôo-tia̍p luân hue phang
春天變面像寒冬
tshun-thinn piàn-bīn tshiūnn hân-tang
昨暝月娘來戲弄
tsa-mî gue̍h-niû lâi hì-lāng
騙阮心茫茫
phiàn gún sim bâng-bâng
你是阮最愛的人
lí sī gún tsuè ài ê lâng
失落絕情夢
sit-lo̍h tsua̍t-tsîng-bāng
蝴蝶戀花芳
ôo-tia̍p luân hue phang
夢醒一場空
bāng tshínn tsi̍t-tiûnn khang
你是阮最愛的人
lí sī gún tsuè ài ê lâng
失落絕情夢
sit-lo̍h tsua̍t-tsîng-bāng
