愛情的路口
《愛情的路口》Ài-tsîng ê Lōo-kháu
謝宜君Siā Gî-kun
——————————————
想你兩三工
siūnn lí nn̄g-sann kang
想甲心情已經空
siūnn kah sim-tsîng í-king khang
你敢知
lí kám tsai
我的目屎幾斤重
guá ê ba̍k-sái kuí kin tāng
敢忍心
kám jím-sim
將阮的愛隨風送
tsiong gún ê ài suî hong sàng
予阮愈想愈毋願
hōo gún jú siūnn jú m̄-guān
行過半世人
kiânn kuè puànn-sì-lâng
牽你的手走西東
khan lí ê tshiú tsáu se-tang
阮心內
gún sim-lāi
一生只有一个夢
it-sing tsí-ū tsi̍t-ê bāng
你佮我
lí kah guá
親像雙囍配紅柑
tshin-tshiūnn siang-hí phuè âng-kam
註定袂當欠一項
tsù-tiānn buē-tàng khiàm tsi̍t-hāng
心情的路口
sim-tsîng ê lōo-kháu
我等你一个人
guá tán lí tsi̍t-ê lâng
聽我講心事毋驚煩
thiann guá kóng sim-sū m̄-kiann huân
愛情的路口
ài-tsîng ê lōo-kháu
你為我展勇敢
lí uī guá tián ióng-kám
替阮趕走了
thè gún kuánn-tsáu liáu
所有的花蜂
sóo-ū ê hue-phang
陪阮夜夜惜阮的人
puê gún iā-iā sioh gún ê lâng
愛你心甘情願
ài lí sim kam tsîng guān
