愈來愈愛你
《愈來愈愛你》Jú Lâi Jú Ài Lí
謝金晶Siā Kim-tsing
——————————————
天清清
thinn tshing-tshing
月圓圓
gue̍h înn-înn
風吹來花的芳味
hong tshue lâi hue ê phang-bī
彼條老情歌
hit tiâu lāu tsîng-kua
舊情綿綿
kū-tsîng mî-mî
愛你的一點一滴
ài lí ê tsi̍t-tiám tsi̍t-tih
天清清
thinn tshing-tshing
月圓圓
gue̍h înn-înn
風吹來你的芳氣
hong tshue lâi lí ê phang-khuì
彼條老情歌
hit tiâu lāu tsîng-kua
替阮訴情意
thè gún sòo tsîng-ì
講出千言佮萬語
kóng-tshut tshian-giân kah bān-gí
愈來愈愛你
jú lâi jú ài lí
我愈來愈愛你
guá jú lâi jú ài lí
就是想和你在一起
jiù shì xiǎng hé nǐ zài yīqǐ
你陪阮看月娘
lí puê gún khuànn gue̍h-niû
阮陪你看流星
gún puê lí khuànn liû-tshinn
做陣行過海角天邊
tsuè-tīn kiânn kuè hái-kak thinn-pinn
愈來愈愛你
jú lâi jú ài lí
我愈來愈愛你
guá jú lâi jú ài lí
就是想和你在一起
jiù shì xiǎng hé nǐ zài yīqǐ
一分一秒時間
tsi̍t-hun tsi̍t-bió sî-kan
攏甜蜜伴相隨
lóng tinn-bi̍t phuānn-sio-suî
咱永遠相依相倚袂分開
lán íng-uán siong-i siong-uá buē hun-khui
