思念你的心
《思念你的心》Su-liām Lí ê Sim
謝金晶Siā Kim-tsing
——————————————
想起彼个伊
siūnn-khí hit-ê i
孤單的相思
koo-tuann ê siunn-si
半暝的露水
puànn-mî ê lōo-tsuí
點醒阮的心
tiám-tshínn gún ê sim
誰知月娘遮薄情
siáng tsai gue̍h-niû tsiah po̍k-tsîng
天光就來離開
thinn-kng tiō lâi lī-khui
一年一年過去
tsi̍t-nî tsi̍t-nî kuè–khì
日時接暗暝
ji̍t–sî tsiap àm-mî
又閣想起伊
iū-koh siūnn-khí i
經過幾若年
king-kuè kuí-lō nî
雙手的恩情
siang-tshiú ê un-tsîng
毋敢放袂記
m̄-kánn pàng-buē-kì
經過窗外的路邊
king-kuè thang-guā ê lōo-pinn
越頭就看著你
ua̍t-thâu tiō khuànn-tio̍h lí
毋敢對你講出
m̄-kánn tuì lí kóng-tshut
綿綿的相思
mî-mî ê siunn-si
深深思念你的心
tshim-tshim su-liām lí ê sim
叫阮怎樣放袂記
kiò gún tsuánn-iūnn pàng-buē-kì
你講當初欲離開
lí kóng tong-tshoo beh lī-khui
是環境逼咱愛分離
sī khuân-kíng pik lán ài hun-lî
時間經過幾若年
sî-kan king-kuè kuí-lō nî
等過春天花若開
tán kuè tshun-thinn hue nā khui
雖然失去的感情
sui-jiân sit–khì ê kám-tsîng
無你踮身邊
bô lí tiàm sin-pinn
阮猶原毋捌放袂記
gún iu-guân m̄-bat pàng-buē-kì
