因為太愛你
《因為太愛你》In-uī Thài Ài Lí
謝宜君Siā Gî-kun
——————————————
紅顏心事啥人知
hông-gân sim-sū siánn-lâng tsai
總是為情來所害
tsóng-sī uī tsîng lâi sóo hāi
多情人多情愛
to-tsîng-lâng to tsîng-ài
只嘆阮的運命䆀
tsí thàn gún ê ūn-miā bái
想來想去真悲哀
siūnn-lâi-siūnn-khì tsin pi-ai
繼續落去無未來
kè-sio̍k–lo̍h-khì bô bī-lâi
進無路退無步
tsìn bô-lōo thè bô-pōo
怎樣墜落苦情海
tsuánn-iūnn tuī-lo̍h khóo-tsîng hái
到底是愛你恨你
tàu-té sī ài lí hūn lí
已經無意義
í-king bô ì-gī
到底是雨水抑是淚
tàu-té sī hōo-tsuí ia̍h-sī luī
早就分袂清
tsá tiō hun buē-tshing
女人毋是無個性
lú-jîn m̄-sī bô kò-sìng
只是因為
tsí-sī in-uī
太愛你
thài ài lí
