可憐的戀花
《可憐的戀花》Khó-liân ê Luân-hue
謝宜君Siā Gî-kun
——————————————
當初愛阮無後悔
tong-tshoo ài gún bô hiō-hué
反面了後
huán-bīn liáu-āu
嫌阮是夯枷
hiâm gún sī giâ-kê
感情一旦被出賣
kám-tsîng it-tàn pī tshut-bē
人生彩色變烏白
jîn-sing tshái-sik piàn oo-pe̍h
為情為愛來受罪
uī tsîng uī ài lâi siū-tsuē
做著一个
tsuè tio̍h tsi̍t-ê
可憐的戀花
khó-liân ê luân-hue
枉費付出了一切
óng-huì hù-tshut liáu it-tshè
花若離枝玲瑯踅
hue nā lî-ki lin-long se̍h
愛情的風吹啊吹
ài-tsîng ê hong tshue–ah tshue
一片真心空徘徊
tsi̍t-phiàn tsin-sim khang pâi-huê
這場美夢攏是假
tsit tiûnn bí-bāng lóng-sī ké
愛的珠淚滴落地
ài ê tsu-luī tih lo̍h-tē
決心放你自由飛
kuat-sim pàng lí tsū-iû pue
從今以後
tsiông-kim í-āu
莫閣來相揣
mài koh lâi sio-tshuē
