愛的感情線
《愛的感情線》Ài ê Kám-tsîng-suànn
戴梅君Tè Muî-kun
——————————————
百年修來仝船渡
pah-nî siu lâi kāng-tsûn tōo
千年修來做翁某
tshian-nî siu lâi tsuè ang-bóo
有你來照顧
ū lí lâi tsiàu-kòo
同甘又共苦
tông-kam iū kiōng-khóo
行過世間路
kiânn kuè sè-kan-lōo
今生有緣來共度
kim-sing ū-iân lâi kiōng-tōo
來世猶原行仝途
lâi-sè iu-guân kiânn kāng-tôo
有你來保護
ū lí lâi pó-hōo
無論偌艱苦
bô-lūn guā kan-khóo
是阮今生的幸福
sī gún kim-sing ê hīng-hok
我會用滿滿的愛
guá ē iōng buán-buán ê ài
將你疼入阮心肝
tsiong lí thiànn ji̍p gún sim-kuann
我會用深深的情
guá ē iōng tshim-tshim ê tsîng
望你共阮惜命命
bāng lí kā gún sioh-miā-miā
牽著你的手
khan tio̍h lí ê tshiú
毋驚風雨有偌大
m̄-kiann hong-hōo ū guā tuā
愛的感情線
ài ê kám-tsîng-suànn
永遠黏相倚
íng-uán liâm sio-uá
