多情多怨恨
《多情多怨恨》To-tsîng To Uàn-hūn
戴梅君Tè Muî-kun
——————————————
徛在淡水的海岸
khiā-tsāi tām-tsuí ê hái-huānn
欣賞無邊的海平線
him-sióng bû-pinn ê hái-pîng-suànn
日頭落山的彩霞
ji̍t-thâu lo̍h-suann ê tshái-hâ
照著回航的船隻
tsiò tio̍h huê-hâng ê tsûn-tsiah
只有孤單陪伴我
tsí-ū koo-tuann puê-phuānn guá
月色暗淡的光線
gue̍h-sik àm-tām ê kng-suànn
照阮徘徊在
tsiò gún pâi-huê tsāi
月光暝的孤影
gue̍h-kng-mî ê koo-iánn
傳來陣陣
thuân-lâi tsūn-tsūn
哀怨的海鳥聲
ai-uàn ê hái-tsiáu siann
想起思慕彼个人
siūnn-khí su-bōo hit ê lâng
叫出伊的名
kiò tshut i ê miâ
甘願為你賭青春
kam-guān uī lí tóo tshing-tshun
攬著你
lám tio̍h lí
攏無拍算
lóng bô phah-sǹg
雖然離阮千里遠
sui-jiân lî gún tshian-lí hn̄g
為你守著日落黃昏
uī lí siú tio̍h ji̍t-lo̍h hông-hun
甘願等你到天光
kam-guān tán lí kàu thinn-kng
無惜冰涼的喙脣
bô sioh ping-liâng ê tshuì-tûn
思念珠淚燒滾滾
su-liām tsu-luī sio-kún-kún
啊~多情只有多怨恨
ah~ to-tsîng tsí-ū to uàn-hūn
