擔心
《擔心》Tam-sim
謝金燕Siā Kim-iàn
——————————————
阮將你當做一生
gún tsiong lí tòng-tsuè it-sing
囥踮阮心內的祕密
khǹg tiàm gún sim-lāi ê pì-bi̍t
只要咱兩人甜甜蜜蜜
tsí-iàu lán nn̄g-lâng tinn-tinn-bi̍t-bi̍t
有啥通好選擇
ū siánn thang-hó suán-ti̍k
我承認愛你放袂開
guá sîng-jīn ài lí pàng buē-khui
阮需要是一份安定
gún su-iàu sī tsi̍t-hūn an-tīng
上驚你變心
siōng kiann lí piàn-sim
是我毋願看見
sī guá m̄-guān khuànn-kìnn
辜負阮永遠愛你的貪心
koo-hū gún íng-uán ài lí ê tham-sim
我擔心
guá tam-sim
你早慢對阮無熱情
lí tsá-bān tuì gún bô jia̍t-tsîng
我擔心
guá tam-sim
你愛阮的心無反應
lí ài gún ê sim bô huán-ìng
牽阮的手
khan gún ê tshiú
到最後是冷冰冰
kàu tsuè-āu sī líng-ping-ping
連一句情話
liân tsi̍t-kù tsîng-uē
講甲無甜無味
kóng kah bô-tinn bô-bī
我擔心
guá tam-sim
你對阮的愛若變質
lí tuì gún ê ài nā piàn-tsit
留予阮是心碎
lâu hōo gún sī sim-tshuì
所有的擔心
sóo-ū ê tam-sim
是阮愛你太深
sī gún ài lí thài tshim
驚你離開
kiann lí lī-khui
