戇人
《戇人》Gōng-lâng
謝金燕Siā Kim-iàn
——————————————
不該迷戀你的芳
put-kai bê-luân lí ê phang
閣將你藏佇心內
koh tsiong lí tshàng tī sim-lāi
攏毋甘放
lóng m̄-kam pàng
像我這款遮戇的人
tshiūnn guá tsit khuán tsiah gōng ê lâng
戇甲想欲佮你
gōng kah siūnn-beh kah lí
做伙留白頭鬃
tsò-hué lâu pe̍h-thâu-tsang
無想失去你彼一工
bô siūnn sit-khì lí hit-tsi̍t-kang
五月的窗
gōo–gue̍h ê thang
哪會遮爾仔涼
ná ē tsiah-nī-á liâng
像我這款遮戇的人
tshiūnn guá tsit khuán tsiah gōng ê lâng
將你當做紀念
tsiong lí tòng-tsuè kì-liām
嘛心甘閣情願
mā sim kam koh tsîng guān
是你講花無百日紅
sī lí kóng hue bô pah-ji̍t-âng
日思夜夢的心茫茫
ji̍t-su iā-bāng ê sim bâng-bâng
你敢毋知
lí kám m̄-tsai
阮會愛你一世人
gún ē ài lí tsi̍t-sì-lâng
有緣有情
ū iân ū tsîng
有愛有你有夢
ū ài ū lí ū bāng
是你講愛阮的花欉
sī lí kóng ài gún ê hue-tsâng
寂寞的靈魂賰一人
tsi̍k-bo̍k ê lîng-hûn tshun tsi̍t-lâng
希望你是
hi-bāng lí sī
阮的春夏秋冬
gún ê tshun-hā tshiu-tang
青春變成空
tshing-tshun piàn-sîng khang
只有做戇人
tsí-ū tsuè gōng-lâng
