心看袂清楚
《心看袂清楚》Sim Khuànn Bē Tshing-tshó
謝金燕Siā Kim-iàn
——————————————
無話通講
bô uē thang kóng
是阮害感情艱苦
sī gún hāi kám-tsîng kan-khóo
毋敢講出心情
m̄-kánn kóng-tshut sim-tsîng
講出為你苦
kóng-tshut uī lí khóo
看你的痴情
khuànn lí ê tshi-tsîng
看你為伊咧失落
khuànn lí uī i teh sit-lo̍h
只有暝暝等待著寂寞
tsí-ū mî-mî tán-thāi tio̍h tsi̍k-bo̍k
糊糊塗塗
hôo-hôo-tôo-tôo
這段路風風雨雨
tsit tuānn lōo hong-hong-hōo-hōo
為你失去笑容
uī lí sit-khì tshiò-iông
失去了幸福
sit-khì liáu hīng-hok
也知是錯誤
iā tsai sī tshò-gōo
阮的深情無結果
gún ê tshim-tsîng bô kiat-kó
只有暗暗忍受著痛苦
tsí-ū àm-àm jím-siū tio̍h thòng-khóo
心看袂清楚
sim khuànn buē tshing-tshó
孤單情路無奈何
koo-tuann tsîng-lōo bô-nāi-hô
日日夜夜
ji̍t-ji̍t-iā-iā
等你回頭會想著
tán lí huê-thâu ē siūnn-tio̍h
毋願振作
m̄-guān tsín-tsok
甘願永遠為你錯
kam-guān íng-uán uī lí tshò
對你思慕
tuì lí su-bōo
對你放袂落
tuì lí pàng buē-lo̍h
心看袂清楚
sim khuànn buē tshing-tshó
孤單情路無奈何
koo-tuann tsîng-lōo bô-nāi-hô
思思念念
su-su-liām-liām
等你回頭的跤步
tán lí huê-thâu ê kha-pōo
清清楚楚
tshing-tshing-tshó-tshó
只要有你的疼惜
tsí-iàu ū lí ê thiànn-sioh
這款的苦
tsit khuán ê khóo
阮感覺快樂
gún kám-kak khuài-lo̍k
