再會拉巴爾
《再會拉巴爾》Tsài-huē Rabaul
賴謙祺Luā Khiam-kî
——————————————
再會吧Rabaul
tsài-huē–pah Rabaul
南國十字星
lâm-kok si̍p-jī-tshinn
有緣份再來見面
ū iân-hūn tsài lâi kìnn-bīn
毋通心酸悲
m̄-thang sim sng-pi
椰子樹搖來搖去
iâ-tsí-tshiū iô-lâi-iô-khì
毋甘咱分離
m̄-kam lán hun-lî
深更的海鳥哀啼
tshim-kinn ê hái-tsiáu ai-thî
吟出斷腸詩
gîm tshut tuān-tn̂g-si
再會吧Rabaul
tsài-huē–pah Rabaul
難忘的海墘
lân-bōng ê hái-kînn
南爿的海風吹來
lâm-pîng ê hái-hong tshe–lâi
溫暖咱情意
un-luán lán tsîng-ì
月眉也含情帶意
gue̍h-bâi iā hâm-tsîng tài-ì
一直獻嬌媚
it-ti̍t hiàn kiau-bī
船螺聲心情空虛
tsûn-lê siann sim-tsîng khang-hi
擾亂阮的耳
jiáu-luān gún ê hīnn
再會吧Rabaul
tsài-huē–pah Rabaul
心愛好情侶
sim-ài hó tsîng-lī
有心情才來想起
ū sim-tsîng tsiah lâi siūnn-khí
你咱糖蜜甜
lí lán thn̂g-bi̍t-tinn
送別的情話
sàng-pia̍t ê tsîng-uā
雖然動人珠淚滴
sui-jiân tōng lâng tsu-luī tih
南國的青春花枝
lâm-kok ê tshing-tshun hue-ki
期待月團圓
kî-thāi ge̍h thuân-înn
