風中花
《風中花》Hong-tiong Hue
鄭琇月Tēnn Siù-gua̍t
——————————————
思念親像
su-liām tshin-tshiūnn
一首的哀歌
tsi̍t-siú ê ai-kua
唱愈大聲
tshiùnn jú tuā-siann
心愈疼
sim jú thiànn
聲聲句句
siann-siann-kù-kù
無聊的咒誓
bô-liâu ê tsiù-tsuā
當時你
tong-sî lí
欺騙阮的手段
khi-phiàn gún ê tshiú-tuānn
戀夢親像
luân-bāng tshin-tshiūnn
阮手中的沙
gún tshiú-tiong ê sua
留袂牢
lâu buē-tiâu
你鐵拍的心肝
lí thih phah ê sim-kuann
冷冷清清
líng-líng-tshing-tshing
無伴的深夜
bô-phuānn ê tshim-iā
往事啊
óng-sū–ah
欲怎樣越頭看
beh tsuánn-iūnn ua̍t-thâu khuànn
風是你的名
hong sī lí ê miâ
花是阮的命
hue sī gún ê miā
愛人？？
ài-jîn? ?
甘願甘願辜負我
kam-guān kam-guān koo-hū guá
風吹無情聲
hong tshue bô-tsîng siann
花落照無影
hue lo̍h tsiò bô-iánn
心已冷一半
sim í líng tsi̍t-puànn
佗位才是阮的靠岸
tó-uī tsiah-sī gún ê khò-huānn
