贏過人生
《贏過人生》Iânn-kuè Jîn-sing
談詩玲Tâm Si-lîng
——————————————
人生一步棋
jîn-sing tsi̍t-pōo kî
成功失敗論富貴
sîng-kong sit-pāi lūn hù-kuì
有啥人敢比
ū siánn-lâng kánn pí
起手無回的勇氣
khí-tshiú bô-huê ê ióng-khì
虛華的日子
hi-hua ê ji̍t-tsí
得意不過三刻時
tik-ì put-kò sann-khik sî
行過滄桑的過去
kiânn kuè tshong-song ê kuè-khì
才有成功出頭天
tsiah ū sîng-kong tshut-thâu-thinn
世間
sè-kan
珍惜的人最可貴
tin-sioh ê lâng tsuè khó-kuì
滴水的情份大過天
tih-tsuí ê tsîng-hūn tuā-kuè thinn
我是平凡的女人
guá sī pîng-huân ê lú-jîn
人生無一步登天
jîn-sing bô it-pōo ting-thinn
世間
sè-kan
貧賤不移最可貴
pîn-tsiān put-î tsuè khó-kuì
貪心的路上滿荊刺
tham-sim ê lōo-siōng muá king-tshì
有情的人心堅持
ū-tsîng ê lâng sim kian-tshî
贏過人生
iânn-kuè jîn-sing
我佮你
guá kah lí
