有緣無緣
《有緣無緣》Ū-iân Bô-iân
鄭琇月Tēnn Siù-gua̍t
——————————————
有緣千里來相逢
ū-iân tshian-lí lâi siong-hông
無緣對面袂熟似
bô-iân tuì-bīn buē si̍k-sāi
你我墜落愛情海
lí guá tuī-lo̍h ài-tsîng hái
這是月老的安排
tse sī gua̍t-nóo ê an-pâi
應該真心相對待
ing-kai tsin-sim sio tuì-thāi
千萬毋通情變歹
tshian-bān m̄-thang tsîng piàn pháinn
互相尊重
hōo-siong tsun-tiōng
互相信賴
hōo-siong sìn-nāi
才有幸福好將來
tsiah ū hīng-hok hó tsiong-lâi
既然有緣來做陣
kì-jiân ū-iân lâi tsuè-tīn
毋通隨時就反面
m̄-thang suî-sî tsiū huán-bīn
若是無緣的婚姻
nā-sī bô-iân ê hun-in
勉強做伙費精神
bián-kióng tsuè-hué huì tsing-sîn
天長地久有時盡
thian tiông tē kiú ū-sî tsīn
真情真愛袂變心
tsin-tsîng tsin-ài buē piàn-sim
互相尊重
hōo-siong tsun-tiōng
互相信任
hōo-siong sìn-jīm
春宵夜曲永同吟
tshun-siau iā-khik íng tông gîn
